वीरगञ्ज । वीरगञ्जको बसपार्क क्षेत्रमा रहेको एक होटलमा ६५ वर्षीय पुरुषको शव फेला परेको छ।
डिएसपी किशोर लम्सालका अनुसार मृतक वीरगञ्ज महानगरपालिका वडा नम्बर १७ निवासी संतसाह तुरहा हुन्। उनी होटल कैलाशमा मृत अवस्थामा फेला परेका हुन्।
लम्सालले जानकारी दिए अनुसार तुरहाको मृत्यु सुतिरहेका बेला भएको अनुमान गरिएको छ। शवमा कुनै किसिमको चोटपटक नभएको प्रहरीको प्रारम्भिक जाँचले देखाएको छ।
मृतकको शव पोष्टमार्टमका लागि नारायणी अस्पतालमा पठाइएको छ। मृत्युको वास्तविक कारण भने पोष्टमार्टम रिपोर्टपछि मात्र स्पष्ट हुने प्रहरीले जनाएको छ।
यो घटनाले वीरगञ्ज बसपार्क क्षेत्रमा शोकको वातावरण छाएको छ। मृतकका परिवारजनलाई घटनाबारे जानकारी गराइसकिएको छ।
