पर्सा — कालिकामाइ गाउँपालिकाअन्तर्गत रहेको बिरन्चीबार्वा स्वास्थ्य चौकीमा गर्भवती तथा सुत्केरी महिलाहरूलाई लक्षित गर्दै विशेष स्वास्थ्य सेवा कार्यक्रम सञ्चालन गरिएको छ। सोमबार (चैत्र ३०, २०८२) सम्पन्न उक्त कार्यक्रममा २५ जना सेवाग्राहीले Video X-ray सेवा लिएको जनाइएको छ।
गाउँपालिकाले जारी गरेको सार्वजनिक सूचना अनुसार अध्यक्षको उपस्थितिमा कार्यक्रम सञ्चालन गरिएको हो। मातृ स्वास्थ्य सुधार तथा ग्रामीण क्षेत्रमा स्वास्थ्य सेवाको पहुँच विस्तार गर्ने उद्देश्यले यस्तो पहल गरिएको स्थानीय तहले जनाएको छ।
कार्यक्रमकै क्रममा स्वास्थ्य चौकीमार्फत नियमित ओपीडी (OPD) सेवा समेत उपलब्ध रहेको गाउँपालिका अध्यक्षले जानकारी दिएका छन्। यसले स्थानीय बासिन्दालाई आधारभूत स्वास्थ्य सेवामा सहज पहुँच पुर्याउने विश्वास लिइएको छ।
स्थानीयवासीले यस्ता कार्यक्रमले विशेषगरी गर्भवती तथा सुत्केरी महिलाको स्वास्थ्य निगरानीमा सहयोग पुग्ने अपेक्षा गरेका छन्।
