बैशाख १४, बिरगंज – मकवानपुरमा लागूऔषध नियन्त्रणका लागि गरिएको चेकजाँचको क्रममा ३ जनालाई पक्राउ गरिएको छ। हेटौडा उ.म.न.पा. वडा नं. १ स्थित त्रिभुवन राजपथमा प्रहरी टोलीले सवारी साधनको चेकजाँच गर्दा, शंका गर्नका आधारमा अटो सवार तीनजनामा लागूऔषध फेला परेको हो।
प्रहरीले उक्त अटोबाट ५०० मिलिग्राम लागूऔषध खैरो हेरोईन जस्तो पदार्थ बरामद गरेको छ। शंका गरेपछि, पकडिएका व्यक्तिहरूले सोधपुछमा उक्त पदार्थ मकवानपुर हेटौडा उ.म.न.पा. वडा नं. १ का सुरेश तामाङबाट खरिद गरेको जानकारी दिएका थिए।
सुरेश तामाङलाई पक्राउ गरेर घरमा खोजी गर्दा, छिपाइ राखिएको ६ ग्राम ८९० मिलिग्राम खैरो हेरोईन जस्तो पदार्थ फेला परेको थियो। यसरी, लागूऔषधसहित सुमन गुरुङ, बुद्धीमान थिङ र सुरेश तामाङलाई पक्राउ गरिएको छ।
प्रहरीले पक्राउ गरिएका व्यक्तिहरूलाई लागूऔषध कसुर मुद्धामा मकवानपुर जिल्ला अदालत हेटौडाबाट १० दिनको म्याद लिएर थप अनुसन्धान जारी राखेको जानकारी दिएको छ।
