भारतको गोरखपुरमा एउटा चौंकाउने घटना भएको छ, जहाँ एक महिलाले बेहुला बनेर नगद र गहना लुटेर मण्डपबाट भागेकी छन्। यो घटना ४० वर्षीय कमलेश कुमारको दोस्रो विवाह समारोहमा भएको हो।
कमलेशले आफ्नो दोस्रो विवाहका लागि ३० हजार भारतीय रुपैयाँ कमिसन दिएर एक महिलासँग विवाह पक्का गरेका थिए। पहिलो पत्नी गुमाएका कमलेशले स्थानीय शिव मन्दिरमा विवाहको आयोजना गरेका थिए।
कमलेशका अनुसार, बेहुलीलाई सारी, गहना र सौन्दर्य सामग्री आफैंले दिएका थिए। विवाहको सबै खर्च पनि उनले नै बेहोरेका थिए। तर विवाहको विधि सुरु भएपछिको बीचमै बेहुलीले बाथरुम जाने बहाना गर्दै मण्डप छोडिन् र त्यसपछि कहिल्यै फर्किनन्।
बेहुली आफ्नो आमासँगै मन्दिर आएकी थिइन्, जो पनि घटनास्थलबाट बेपत्ता भएकी छन्। यद्यपि, उनीहरूले कति नगद र गहना लिएर भागे भन्ने खुलाइएको छैन। यस घटनासम्बन्धी कुनै औपचारिक उजुरी दर्ता भइसकेको छैन। स्थानीय प्रहरीले अनुसन्धानको आश्वासन दिएको छ।
कमलेशले भनेका छन्, “मैले केवल आफ्नो परिवारलाई पुनः सुरु गर्न चाहन्थेँ, तर सबै गुमाएँ।” यो अनौठो घटनाले गोरखपुर क्षेत्रको समाजलाई स्तब्ध बनाएको छ।
