वीरगञ्ज, पुस २७ – आगामी शनिवार, वीरगञ्जको गहवामाई मन्दिर परिसरमा २,१०० दियो बालेर दीप प्रज्वलन गरिने भएको छ। यो कार्यक्रम भारतको अयोध्यामा राम जन्मभूमि मन्दिर उद्घाटनको वार्षिकोत्सवको अवसरमा आयोजना गरिनेछ।
गहवामाई मन्दिर सञ्चालन समितिका अध्यक्ष नरेन्द्र साहका अनुसार साँझ ५:३० बजे दीप प्रज्वलन समारोह सुरु हुनेछ। समितिले सम्पूर्ण भक्तजनलाई यस धार्मिक कार्यक्रममा सहभागी हुन सार्वजनिक आह्वान गरेको छ।
उक्त अवसरमा मन्दिर परिसरमा विशेष पूजापाठ र धार्मिक कार्यक्रम पनि गरिनेछ। कार्यक्रमको तयारी तीव्र भइरहेको र यसले धार्मिक सहिष्णुता र सांस्कृतिक एकताको सन्देश प्रवाह गर्ने अपेक्षा गरिएको छ।
