पौष २०, बिरगंज
नेकपा एमाले वडा नम्बर ५ को आयोजनामा बिरगंजको कुम्हालटोलमा शनिबार आयोजित बृहत् पार्टी प्रवेश कार्यक्रम सम्पन्न भएको छ। कार्यक्रममा १४१ जनाले पार्टी प्रवेश गरेका थिए। सो कार्यक्रम नेकपा एमाले पर्सा जिल्ला अध्यक्ष डा. विश्वम्भर शर्माको प्रमुख आतिथ्यमा सम्पन्न भयो।
कार्यक्रमको अध्यक्षता पूर्व वडा अध्यक्ष प्रदीप सिंह ठकुरीले गरेका थिए। विशिष्ट अतिथिहरूमा पर्सा जिल्ला सचिव महेश दास, वडा अध्यक्ष प्रदीप चौरसिया, र नेकपा एमालेका अन्य नेताहरू माण्डेव हजरा, सुन्दर प्रसाद कुर्मी, मनोज साह, सन्जु दहाल, मन्जु परियार, रुस्तम अल्ली, लक्ष्मी न्योपाने लगायतका उपस्थिति थियो।
अध्यक्ष शर्माको सम्बोधन: एमालेको एकल सरकारको दाबी
जनसभालाई सम्बोधन गर्दै डा. विश्वम्भर शर्माले २०८४ को निर्वाचनपछि एमालेले एकलौटी सरकार बनाउने दाबी गरे। उनले मधेसी दलहरूलाई अघिल्लो सरकारका निर्णयहरूमा दक्षिणपन्थी प्राथमिकता राखेर देशको अहित गरेको आरोप लगाए। शर्माले एमालेले विगतमा नाका बन्दीका बेला घुँडा नटेक्ने साहस देखाएको र जनताको लागि सिटामोल र अन्य अत्यावश्यक वस्तुको आपूर्ति सुनिश्चित गरेको स्मरण गराए।
पार्टी प्रवेश: काङ्ग्रेस परित्याग गर्दै नयाँ सदस्यहरू
पार्टी प्रवेश गर्नेहरूमध्ये प्रमुख रूपमा नेपाली कांग्रेस परित्याग गरेका कृष्ण खनाल, डा. निरज चौधरी, र प्रभाकर गुप्ता (झब्बु) थिए। शर्माले नवप्रवेशीहरूलाई बधाई दिँदै, मधेसका सामाजिक तथा आर्थिक समस्याहरू समाधान गर्न एमाले नै एकमात्र सक्षम शक्ति रहेको बताए।
वडा वासिको उल्लेखनीय उपस्थिति
कार्यक्रममा वडा वासिहरू, सर्वसाधारण, तथा मिडिया कर्मीहरूको उल्लेखनीय उपस्थिति रहेको थियो। कार्यक्रमको स्वागत मन्तव्य नेकपा एमाले महानगर कमिटी सदस्य मनोज साहले दिएका थिए भने सञ्चालन निशान्त लामिछानेले गरेका थिए।
अध्यक्ष शर्माको आह्वान
कार्यक्रमको अन्त्यमा डा. शर्माले अन्य पार्टीका कार्यकर्तालाई पनि एमालेमा प्रवेश गर्न आग्रह गर्दै देशको समृद्धिका लागि एमालेसँग सहकार्य गर्न आह्वान गरे।
