काठमाडौं। जयपुर एयरपोर्टमा सुन तस्करीको एउटा अनौठो घटना सार्वजनिक भएको छ, जसमा एक व्यक्तिले मलद्वारमा लुकाएर १ किलो सुन ल्याएको खुलासा भएको छ।
अबुधाबीबाट जयपुर आएका महेन्द्र खान नामका ती युवकलाई भन्सार अधिकारीहरूले अनुसन्धानको क्रममा पक्राउ गरेका थिए। भन्सारको आशंकामा गरिएको जाँचमा उनले आफ्नो गोप्य भागमा सुन लुकाएको पाइएको थियो।
अधिकारीहरूले उनलाई तुरुन्तै अस्पताल लगे, जहाँ डाक्टरहरूले शल्यक्रिया गरी उनको शरीरबाट सुनको तीन टुक्रा निकाले। जानकारी अनुसार, महेन्द्र राजस्थानको बेवार जिल्लाको सरगाउँका निवासी हुन् र उनी इतिहाद एयरवेजको विमानबाट जयपुर पुगेका थिए।
विमानस्थलमा गरिएको एक्स-रे स्क्यानमा उनको पेटमा केही क्याप्सुलजस्तो आकृति देखिएको थियो। यसपछि उनलाई हिरासतमा राखेर थप सोधपुछ गरियो। मेडिकल परीक्षणपछि सुनको टुक्रा निकालिएको थियो, जसको अनुमानित मूल्य करिब ९० लाख रुपैयाँ रहेको छ।
भन्सार अधिकारीहरूको भनाइ अनुसार महेन्द्रले स्थानीय प्यारामेडिकल स्टाफको सहयोगमा आफ्नो शरीरभित्र सुनको टुक्रा लुकाएर ल्याएका थिए।
